كيف تنساني وانا اصلا لو نسيت
انسى خلق الله عشانك واذكرك
كيف تجفاني وانا مهما جفيت
مستحيل انسى وصالك واهجرك
من لمحتك في عيوني ماختفيت
دايم وعيني تشاهد منظرك
انت تدري ولا توك مادريت
مستعد اخسر كياني ماخسرك
والله انك لو على قلبي خطيت
كثر ماتخطي تراني بعذرك
لكن ارجعلي تراني انتهيت
ماقدر اقضي كل عمري انطرك
صرت احبك حتى لو عيبك قسيت
من كبيرك صرت احبك لصغرك
كم على شانك تعذبت وشكيت
رغم هذا ماني قادر انكرك
والله اني ماتوقعت وهقيت
اقدر العالم وعاجز لقدرك
اشعر انك معي ماعمرك وفيت
بس اكذب واقعي واستشعرك
ليه تبخل ياحبيبي ماعطيت
ولا هو تأكيد حبي غيرك
ليه تهدم ياحبيبي مابنيت
يعني قلي لي متى وانا اعمرك
كلي اشقى وانت بالدنيا لهيت
تسمر وتلهى وانا دوم اسهرك
انقهر واغيض واسكت ماحكيت
حالتي حاله وعيت تقهرك
في شعورك كنك البحر المميت
والمحبه تجبر اني اعبرك
حس فيني دامني فيك ابتليت
والبلا حله ترى مايعسرك
القصايد عنك تكتب بيت بيت
اكتب احساسي واثرني اشهرك
بأختصار ان كنت تنهي مابديت
لك علي اني على طول اهجرك
والصحيح ان كنت ترجعلي ياليت
وقتها من كل قلبي بشكرك~
من كل قلبي بشكرك~
ليست هناك تعليقات:
إرسال تعليق