الكون موحش والمسا فاقد احساس
والهم ينسج من خيالي قصيده
والهم ينسج من خيالي قصيده
اكتب همومي بالقلم فوق قرطاس
وارسم معاناة الجروح الجديده
وارسم معاناة الجروح الجديده
القلب وش خلاه مخنوق الانفاس
بين الضلوع العوج ينزف وريده
بين الضلوع العوج ينزف وريده
الا الفراق وغربة الناس للناس
وبعض السوالف والعلوم المكيده
وبعض السوالف والعلوم المكيده
ياقلب لا تحزن ولا يغلبك ياس
ارتاح واستبشر بلحظه سعيده
ارتاح واستبشر بلحظه سعيده
اللي ذكر طيبي على العين والراس
واللي تجاهلني تجاهلت سيده
واللي تجاهلني تجاهلت سيده
ماهمني من باعني دون مقياس
عزيت نفسي والاماني بعيده
عزيت نفسي والاماني بعيده
انا كذا طبعي مع كل الاجناس
القلب عزيته وشديت قيده
القلب عزيته وشديت قيده
حوله من الأضلاع حطيت حراس
تحميه من غدر الليال الشديده
تحميه من غدر الليال الشديده
اللي يذوق الغدر صافي من الكاس
لابد يتعلّم وعلمه يفيده
لابد يتعلّم وعلمه يفيده
ضويت لي في سود الايام نبراس
يهدي حياتي للدروب الرشيده
يهدي حياتي للدروب الرشيده
واللي يحاول يسرق اللول والماس
ماطالته عينه ولا طالت ايده
ماطالته عينه ولا طالت ايده
يبطي ويشهر للبشر ذل الافلاس
لا بدد امواله بيفلس رصيده
لا بدد امواله بيفلس رصيده
محشوم فكري عن تفاكير الادناس
نفسي عن الهفوات دايم زهيده
نفسي عن الهفوات دايم زهيده
ماكل صيد يجيبه الحر قرناس
يموت بالرمضا ولا هو يصيده
يموت بالرمضا ولا هو يصيده
واللي يحاول يكسر الراس بالفاس
مثل الذي بيده يكسّر حديده
مثل الذي بيده يكسّر حديده
كتبتها جمله أنا بين الأقواس
(لاتقرب النيران جسمك تبيده)
(لاتقرب النيران جسمك تبيده)
اعوذ بالرحمن من كل خناس
من الوساوس والحياة البليده
من الوساوس والحياة البليده
ياوجد حالي كل ماهب نسناس
سافرت بافكاري لدنيا بعيده
سافرت بافكاري لدنيا بعيده
اتذكر اللي غاب من خيرة الناس
اللي وصوفه في خيالي فريده
اللي وصوفه في خيالي فريده
محشوم وافي طيب العرق والساس
بين البشر مافيه شخصٍ نديده
بين البشر مافيه شخصٍ نديده
نسله من الأحرار والعرق دساس
رحل عن الدنيا بساعه نكيده
رحل عن الدنيا بساعه نكيده
الله يكسي جسمه الغض بلباس
من سندس الفردوس حله جديده
من سندس الفردوس حله جديده
بصبر على فرقاه والقلب حساس
حياتنا ماجت على ما نريده
حياتنا ماجت على ما نريده
هذي النهاية تنكتب فوق قرطاس
ارسلتها عبر الاثير القصيده
ارسلتها عبر الاثير القصيده
