السبت، 12 مارس 2011

||ضاقت ||الدنيا و لا عندي{.. كلام ..! ))


ما عليك إن طحت ياحظي ملام ..
...وان بغيت ألوم..قلي من ألوم

ضاقت الدنيا و لا عندي كلآم ...
.... يا هي صعبه .. ضيقة الشخص الكتوم

من يلوم .. ان صار باحساسه زحام
.... و السهر عيا عن احزانه يقوم

ضايع ٍ وسط الهواجس و الظلام
.... في عيونه ياه .. يا كثر الهموم

رغم انه عاش .. من فوق الغمام
.... بس ما يطمح بما دون النجوم

حط ّ له بين البشر قدر .. و مقام
.... وين ما وجــّـه .. عزيز ٍ و امحشوم

من تنكـّـر .. صد ّ عنــّـه باحترام
.... و اللي وافي .. شايله فوق الغيوم

ما نثر دمعه .. على صــدّه غرام
.... و لا وقف في سوق خلاّنه .. يسوم

لو زعل .. صد ّ و نسى كل الخصام
.... ما يفارق صاحبه .. لو هو جزوم

مؤمن ان الغدر في شرعه حرام
.... ومن غدَر به .. يبتعد عنه ْ .. و يشوم


و انت يا قلبي .. اصحــّـيك و تنام
.... ودي تصحى بس ابي تصحالي .. دوم

قلت لك لا تطمح براس النعام
.... و لا تطب ّ اليم ّ .. دامك ما تعوم

و لا تضيم الحي ّ .. و حيــّـك ما يضام
.... و ان خذوا لك حق.. لا تشكي و تلوم

العطا .. يبيــّـن على وجيه الكرام
.... لا تظن الطيــب ينفع بالرخوم




ليست هناك تعليقات:

إرسال تعليق